Kreu i PD. Sali Berisha komentoi sot raportimin e drejtuesve të drejtësisë në Kuvend. Sot deputetët e opozitës ia thanë fjalën në fyt mercenarit Altin Dumani, tha Berisha.
PJESË NGA FJALA E BERISHËS/ Sot ishte një ditë e veçantë në parlamentin shqiptar.
Deputetët e opozitës nxorën në dritën e diellit fytyrën e shëmtuar.
Nxorën në dritën e diellit krimin monstruoz ndaj shqiptarëve të Edi Ramës me drejtësinë e re.
Sot deputetët e opozitës ia thanë fjalën në fyt mercenarit Nuredin Dumani, Altin Dumani.
Sot ia nxorën edhe njëherë fytyrën avokatit të krimit monstruoz qeveritar para shqiptarëve.
Sot ishte gjyqi publik i asaj drejtësie, të cilën kërkojnë t’ua shesin si sukses qytetarëve shqiptarë, që kanë humbur drejtësinë me këtë reformë sorosiane.
Të asaj drejtësie të munguar për shqiptarët.
Sistem në të cilin çdo qytetar për të marrë një vendim gjykate për çështje civile, duhet të presë 14.6 vite.
Për çështje penale duhet të presë 10 vite.
Pra, rikthehet vetëgjyqësia, rikthehet mungesa e drejtësisë. r.p
