Princ Leka është konfliktuar një ditë më parë me babain e ish gruas së tij, Elia Zaharia. Princi po zhvillonte takimin me të bijën në një nga ambientet e vilës mbretërore në praninë e ish vjehrrit, Gjergj Zaharia.
Pikërisht ky ka qënë momenti kur sipas dëshmisë së Princit është goditur nga ish vjehrri me shqelm.
“Rreth orës 15:20 kam qenë në banesën time në rrugën “Murat Toptani” rezidenca e familjes mbretërore, për të takuar vajzën time të moshës 3 vjeç, pasi me ish-bashkëshorten Elia Zogu, jemi në proces divorci. Unë fillimisht jam takuar me shefin e administratës së Oborrit, të cilin e kam pyetur në lidhje me një dollap që ishte boshatisur në kundërshtim me marrëveshjen. Më pas i kam kërkuar administratorit që të më shoqëronte deri tek vajza ime për ta takuar, për të cilën me një marrëveshje për zgjidhje martese kemi rënë dakord me ish bashkëshorten. Unë jam ngjitur me administratorin edhe kam gjetur vajzën time të vogël e cila ka qenë në shoqërinë e gjyshit të saj, babait të ish-bashkëshortes, Gjergj Zaharia. Në këtë moment unë kam përqafuar vajzën time edhe Gjergj Zaharia ka filluar me fjalë fyese e kërcënuese në drejtimin tim duke më thënë ti duhet të ndërrosh rrugën kur të më shikosh mua. Reagimi im para kësaj situate ka qenë duke iu drejtuar Gjergjit që të mos ofendojë e kërcënojë sidomos në prani të vajzës dhe i kam kërkuar që ai të largohet nga dhoma ku unë po qëndroja me vajzën. Në këtë moment situata ka agravuar, Gjergj Zaharia më është afruar duke më shtyrë e goditur me shkelma tek këmbët e mia. Reagimi im ka qenë vetëm mbrojtës, por Gjergji ka vazhduar duke më goditur dhe më ka grisur xhupin si dhe ka marrë edhe një statujë druri me të cilën më ka qëlluat”, kjo ka qënë dëshmia e Princit për policinë.
Princ Leka është divorcuar me të shoqen aktoren e njohur Elia Zaharia ndërsa ka nisur nkë histori tjetër dashurie me një fotografe.
Në momentin e sherrit, Princi ka njoftuar policinë e cila ka ndërhyrë menjëherë për të mos agravuar sherrin. Të dy kanë dhënë dëshmitë e tyre në polici.
Princi është paraqitur edhe ne ambientet e spitalit Nënë Tereza për të marrë ndihmën mjekësore, shoqëruar dhe me kartën përkatëse. Pritet seanca gjyqësore për të marrë një vendim në lidhje me këtë çështje. a.b
