Është zbardhur një pjesë e skenarit për të ndërhyrë në sistem të zgjedhjeve përmes modofikimeve brenda konceptit të proporcionalit rajonal.
Kre i Grupit Parlamentar të PS, Bledi Çuçi tha në ABC News me Sokol Ballën se po mendojnë për primin.
“Sistemi me prim nuk është qasje pragmatike e PS, por një nevojë që Shqipëria duhet të ketë për stabilitet qeverisës. Ne jemi gati të miratojmë një formulë të vlefshme për zgjedhjet e radhës. Kjo bëhet edhe në limitet e kohës, nuk është që do ndryshojë sistemi”,tha Çuçi.
Çuçi tha se do ishin të gatshëm për disa zona elektorale, më pak sa 12 që janë sot.
Nëse i referohesh sistemit grek, nga 300 vende deputetesh ne Parlament, 50 deputetë vijnë nga Primi. Partia që merr 1 votë më shumë, automatikisht merr 50 deputetë më shumë duke i dhënë mundësi të qeverisë e vetme. Primi shpërblen fituesin por jo përmes votës por përmes një bonusi produkt i logjit. Mbetet që të krijohet një sistem proporcional me 4 zona ose rajone. Ndërsa primi në Shqipëri do të përkthehet me 20 deputetë në tavolinë r fituesin e zgjeshjeve. a.b
