Nuk ka mundur tu mbijetojë plagëve elektricisti nga Dibra që ra sot nga shtylla elektrike ndërsa po riparonte një difekt.
Y.B., si pasojë e dëmtimeve të marra ka humbur jetën në spital.
Një elektricist ka rënë nga shtylla gjatë punës dhe ka mbetur pa lëvizur nga dëmtimet.
“Rreth orës 13.30, shtetasi Y.B., me profesion elektriçist, gjatë punës në fshatin Kovashicë, në njësinë Administrative Shupenzë, dyshohet se është rrëzuar nga shtylla dhe për pasojë ka mbetur i lënduar.
Shtetasi Y.B., është dërguar në spital për ndihmë mjekësore”, njoftoi më herët policia e Dibrës.
Grupi hetimor po kryen hetimet në vendngjarje dhe po punohet për zbardhjen e rrethanave të kësaj ngjarjeje. a.b
