Apeli i Posaçëm regjistroi ankimimet e ikreut të opozitës, Sali Berisha për ndryshimin e masës së sigurisë dhe përjashtimin e gjyqtares Irena Gjoka nga gjykimi i tij.
Berisha kundërshton masën e ‘arrestit shtëpiak’, që u caktua nga GJKKO më 30 dhjetor ndërsa do të shqyrtojë ankimimet gjyqtarja Iliriana Olldashi sërish.
“Gjykata e Posaçme e Apelit për Korrupsionin dhe Krimin e Organizuar regjistroi çështjen penale nr. 27 akti, datë 16.11.2023 regjistrimi, mbi ankimin e personit nën hetim S.B. me objekt: “Ankim ndaj vendimit nr. 520, datë 30.12.2023 (disponuar mbi kërkesën për zëvendësimin e masës së sigurimit personal) dhe vendimit nr. 521, datë 27.12.2023 (disponuar mbi kërkesën për përjashtim gjyqtari) të Gjykatës së Posaçme të Shkallës së Parë për Korrupsionin dhe Krimin e Organizuar”, thuhet në njoftimin e Apelit. a.b
