Tre persona janë arrestuar nga Policia e Elbasanit, mes të cilëve edhe një 27 vjeçar i deklaruar si punonjës i bashkisë së Tiranës. Ata dyshohet se kanë kërcënuar me jetë një biznesmen nga Cërriku për të hequr dorë nga një tenderi i fituar në Bashkinë e kryeqytetit me vlerë 1 milionë euro.
Në pranga kanë rënë Algert Alcani, 27 vjeç, Edmir Boci, 37 vjeç dhe Shaqir Alcani, 62 vjeç. Ata e kanë kërcënuar me jetë nëse nuk tërhiqej nga tenderi.
27 vjeçari Algert Alcani, bëjnë të ditur burime nga hetimi, ai është me detyrë shef sektori në Bashkinë e Tiranës.
“Bëhet fjalë për një tender 1 mln euro për blerje lënde drusore.
Këto persona kishin rekrutuar dy të tjerë ku ja kanë vënë pistoletën në kokë adminsitratorit të kompanisë fituese të tenderit duke e kërcënuar për t’u tërhequr nga gara”, thuhet nga hetimi. r.k
