Mungesa e ujit të pijshëm dhe faturat e larta, janë ankesa e vazhdueshme e qytetarëve në takimet me kandidatin për Bashkinë e Tiranës, Belind Këlliçi.
Janë të shumtë qytetarët që kandidati i Partisë Demokratike për Tiranën, Belind Këlliçi ka takuar përgjatë këtij muaji, si pjesë e turit “Jam këtu t’ju dëgjoj”. Një nga shqetësimet më të përsëritura mes tyre ka qenë mungesa e ujit të pijshëm dhe çmimi i lartë i vendosur nga Bashkia.
“Kryetari i Bashkisë duhet të ketë parasysh një gjë, çmimin e ujit. Ne po e paguajmë shumë shtrenjtë ujin dhe e paguajmë dy herë, por nuk na vjen uji i pijshëm në rubinet. Ne e paguajmë 60 mijë lekë ujin se unë blej edhe bidonin e ujit të pijshëm. Meqenëse uji nuk më vjen i pijshëm në rubinet unë detyrohem të blej bidonin. Pra ky nuk është 35 mijë lekë më. Është 65 mijë. Ti nuk ma sjell ujin e pijshëm, por taksën ma merr. Gjithë Tirana blen me bidona”, u shpreh një qytetar.
Një tjetër qytetar thotë se kosto e ujit rritet edhe për shkak të energjisë së harxhuar nga pompat e ujit. Ndërsa një tjetër banor thekson se nga mungesa e depozitës, ujin e pret të vijë dy herë në ditë nga një orë.
“Është pallati 11 katësh, imagjino. Ujë tek ne s’ka”, tha ai.
“Në njësinë 9, në pjesën veriore uji ndalon gjithmonë në orën 10 të darkës, vjen gjithmonë në orën 5 të mëngjesit. Absolutisht asnjëherë nuk ka qenë i pijshëm, në asnjë moment”, rrëfeu një tjetër banor.
“Ai më jep mua ujë të papijshëm. Ujin unë e blej edhe vjen më fut 84 mijë lekë ujë. Ç’është ky? Ç’është ky halabak mo?”, u shpreh i indinjuar një tjetër banor i Tiranës.
Çmimi i ujit në Tiranë është rritur ndjeshëm që kur Erjon Veliaj u vendos në krye të Bashkisë.
Familjarët që jetojnë në kryeqytet paguajnë 65 lekë/m3.
Vit pas viti, Veliaj ka premtuar ujë të pijshëm dhe furnizim pa ndërprerje, por premtimet kanë rezultuar gënjeshtra dhe ende në vitin 2023, qytetarët detyrohen ta blejnë ujin duke u kushtuar dyfish në fund të muajit.
Kandidati për Bashkinë e Tiranës Belind Këlliçi së shpejti do të paraqesë programin e tij me qëllimin e vetëm, shërbimin e vërtetë ndaj qytetarëve, larg propagandës dhe mashtrimeve të cilat prej tetë vitesh i serviren banorëve të kryeqytetit. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
