Atletja Luiza Gega e ka konfirmuar dëmtimin në tendinën e akilit në njërën nga këmbët ndërsa ka premtuar se do të bëjë maksimumin.
Luiza Gega ka postuar në Facebook duke thënë ndërkaq se është gati edhe pse jo 100%.
“Gati për nesër. Dhe pse ndoshta jo në 100% të formës time pasi dëmtimi në tendinë mbas Kampionatit Europian me ka lënë pak mbrapa me stërvitjen speciale të pengesave, përsëri do jap maksimumin tim. Janë Lojërat e para Olimpike për mua dhe dua t’i shijoj në maksimum. Gjithsesi sporti për mua nuk mbyllet këtu lojërat e ardhshme vijnë me shpejt se çi mendojmë dhe unë do ë vi me synime shume më të mëdha. Ndihem shumë me fat që kam një mbështetje shumë të madhe nga njerëzit, ku urime pa fund akoma vazhdojnë të më vijnë. Faleminderit”, shkruan Luiza.
