Kryeministri Edi Rama në fjalën e tij në mbledhjen e përbashkët të kuvendeve të Kosovës dhe Shqipërisë ka theksuar rolin e Ibrahim Rugovëe në pavarësinë e Kosovës ndërsa ka shtuar edhe emrin e Hashim Thaçit krah tij.
Sipas Ramës, janë dy emra që i mungojnë sallës së Kuvendit të Shqipërisë në këtë ditë të veçantë, Ibrahim Rugova dhe Hashim Thaçi.
“Dy emra do të sjell këtu në vëmendje pa të cilët nuk mund të kuptohet as ardhja në këtë ditë, as vazhdimësia pas kësaj dite, LDK dhe UÇK. Të dyja këto lidhen me Ibrahim Rugovën, një i munguar i madh sot pasi u nda nga jeta para kohe, por me mision të kryer dhe Hashim Thaçin, një tjetër i munguar i madh në këtë sallë, i cili është i ndarë prej nesh përkohësisht me një mision që vazhdon”, tha Rama.
Kryeministri Rama ka pasur marrëdhënie të ndërlikuara me partinë e Rugovës, LDK. Në disa ceremoni të plrbashkëta ai ka shmnagur takime me drehtuesit e LDK dhe qeverisë së LDK në vitet 2013-2016y
Më tej Rama u shpreh besimplotë në fjalën e tij në Parlament se njohja e Kosovës do të vijë shumë më shpejt se ç’u desh për të shpallur pavarësinë si shtet, ndërsa solli në vëmendje fakti se edhe shqiptarët në RMV e Mal të Zi kanë sot një kryeparlamentar dhe kryeministër.
Me rastin e 110-vjetorit të Pavarësisë Shqipërisë, në Kuvendin e Republikës së Shqipërisë në Tiranë, është mbajtur mbledhja e përbashkët e Kuvendit të Republikës së Kosovës dhe Kuvendit të Republikës së Shqipërisë. a.b
