Nëna e vajzës nga Kenia që bëri publike 3 muaj më pas masakrimin e së bijës që është ende në gjendje kome në spitalin e Traumës
Rasti i vajzës nga Kenia ëahtë trajtuar në mënyrë raciste nga prokuroria dhe policia ndërkohë që ka vepra penale edhe nga akuza e rendi përveç atij që masakroi 22 vjeçaren e pambrojtur dhe të vetme në Tiranë nga një vend i largët i Afrikës.
Profesori i kriminalistikës Ervin Karamuço, në studion e “MCN live”, tha se Prokuroria nuk ka bërë hetimet ashtu siç do duhej.
Ervin Karamuço: “Kur një turisti i rreshket këmba në ndonjë mal, nuk lë komunikatë pa dërguar, kurse kjo ngjarje është mbuluar.
Unë kam kontaktuar më policinë, dhe kam kuptuar se kjo ngjarje në muajin gusht është njoftuar në komunikim të brendshëm, porse është fshehur për publikun.
Për datën 13 gusht, është thenë nga policia se ka pasur ngjare të shumta që e kanë transferuar vëmendjen, porse duhet parë se sa ka pasur aq shumë ngjarje atë ditë. Pra, është bërë për komunikim të brendshëm, por mediatik është fshehur.
Mjeku ka thënë se është politraum, por prokurori e ka regjistruar ngjarjen me “plagosje të rëndë me dashje”, edhe kualifikimi i veprës penale ngjan i gabuar, sepse ajo duhej cilësuar si “:vrasje me dashje ose me paramendim e mbetur në tentativë”, që shkon deri në 10-20 vjet, kurse për plagosje deri në 10 vjet.
Ambienti të tregon se aty ka pas përleshje, këtu ka pasur një induktim jashtë, personi nuk ka zgjedhur të hidhet vet, çdo gjë brenda ka qenë rrëmujë.
Nga gushti deri në nëntor, kazinotë e mbajnë më gjatë kamerat e sigurisë, duhet parë.
Është kërkuar poashtu ekspertizë për mbetje biologjike në trupin e saj, nëse është abuzuar seksualisht me të, dhe më pas është shtyrë të hidhet nga banesa.
Ngjarja është shumë hermetike, ajo duhet të merret në mbrojtje, se me zgjimin e saj, ajo do të mund të flas, dhe do të na shpalosen shume emra.
