Drejtoria e Përgjithshme e Policisë në fshehtësi të drejtorisë vendore të policisë së Beratit ka organizuar një operacion në Berat, nga ku u shoqëruan afro 80 gra.
Në bazë të një informacioni drejtoria e përgjithshme e policisë së shtetit me forcat operacionale mësynë në fshatin Drenovicë të Kutallisë së Beratit ku kapën në flagrancë duke pastruar kanabisin rreth 80 persona kryesisht gra.
Policia po punon për identifikimin dhe arrestimin e pronarit të serës me kanabis dhe personave të tjerë të implikuar në këtë veprimtari të paligjshme.
Droga ishte kultivuar në fushë të hapur dhe nuk u denoncua nga banorët por edhe nuk u pikas nga policia e zonës. Agjencia e Mbikqyrjes Policore po verifikon përgjegjësinë e Policisë vendore për këtë rast.
Përveç lëndës narkotike, u sekuestruan armë zjarri, 2 kallashnikovë dhe 2 pistoleta.
Gratë e punësuara për kultivimin e drogës ishin nga jugu dhe veriu i Shqipërisë.
80%e serave rezultoi e mbjellë me kanabis ndërsa 20% e saj me perime. Operacioni policor vijon. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
