Bordi i Transparencës ka ulur cmimin e naftës me 8 Lekë, duke e çuar çmimin nga 224 në 216 Lekë për litër.
Po ashtu ishte ulur edhe benzina. Nga 198 Lekë litri, benzina do të zbres në 194 Lekë për litër. Gazi po ashtu do të tregohet 1 Lekë më lirë, nga 78 Lekë, çmimi i një litri gaz do të zbresë në 77 Lekë për litër.
Çmimi hyri në fuqi në orën 18:00 këtë pasdite.
Sipas Bordit të Transparencës, vendimet që merren dhe ndryshimi i çmimeve të shitjes lidhet vetëm me ndryshimet në bursën Platts të Mesdheut për gazoilin dhe benzinës, pra jo të bursës së naftës bruto, si dhe në lëvizjen e kursit të dollarit.
Ndërkohë në bursën e Teksasit një fuçi naftë e papërpunuar kap vlerën e 85 Dollarë, ndërsa në bursën e Londrës kap vlerën 91 Dollar për fuçi, vlera këto të paraluftës në Ukrainë. a.b
