Mediat e huaja raportuan sonte se makina e Presidentit të Rusisë, Vladimir Putin është sulmuar ditën e sotme pa dhënë shpjegime shteruese në lidhje me detajet që lidhen me datën dhe orën e atentatit.
Kanali anti-Putin General SVR Telegram, raporton se ndaj Presidentit të Rusisë është bërë një atentat me bombë, por që ka rezultuar i pasuksesshëm.
Autokolona e Presidentit rus Vladimir Putin u sulmua me eksploziv gjatë një udhëtimi të fundit në Moskë, kanë pohuar raportet e paverifikuara nga Telegram.
Sipas kanalit të Telegram General SVR, që supozohet se drejtohet nga një person i brendshëm i Kremlinit, një ambulancë bllokoi automjetin e përparmë në autokolonën e Putinit, ndërsa një makinë tjetër kaloi rreth autokolonës dhe hodhi një eksploziv në mjetin ku ndodhej presidenti rus.
“Rrugës për në rezidencë, disa kilometra më larg, makina e parë e shoqërimit u bllokua nga një ambulancë, [dhe] makina e dytë e shoqërimit lëvizi pa u ndalur [për shkak të] pengesës së papritur dhe gjatë devijimit. të pengesës” në makinën e Putinit u dëgjua “një zhurmë e fortë nga rrota e përparme e majtë e ndjekur nga tym i fortë”, shkruan General SVR.
Sipas asaj që raporton “Dailystar” disa nga truprojat e Putin janë zhdukur pas ngjarjes, dhe kjo ngre dyshime të forta se ndaj makinës me të cilën udhëtonte presidenti rus mund të jetë bërë atentat.
Ndërkohë sipas asaj që raportoi General SVR Telegram zëdhënësi kryesor i Putinit, Vladimir Solovyov, është shfaqur në emisionin e tij televiziv me prerje misterioze dhe mavijosje në fytyrë. Ndërkohë që nga Kremlini ende nuk ka asnjë reagim. r.j
