Mbretëresha e Britanisë, Elizabeth II është ndarë nga jeta pasditen e sotme në moshën 96-vjeçare, njoftoi Familja Mbretërore në llogaritë e saj në rrjetet sociale.
Ajo vdiq në Kalanë Balmoral në Skoci pasi mjekët thanë se ishin shqetësuar për shëndetin e saj të enjten.
Postimi i Familjes Mbretërore:
“Mbretëresha vdiq në mënyrë paqësore në Balmoral këtë pasdite. The King and The Queen Consort do të qëndrojnë në Balmoral këtë mbrëmje dhe do të kthehen në Londër nesër”
Mbretëresha Elisabeth II, monarkja prej vitit 1952, ka kaluar shtatë Papë, 14 presidentë amerikanë dhe 15 kryeministra britanikë, ndërsa ka pasur vetëm një monark britanik. Mbretëresha Elizabeth II ka mbretëruar për 70 vjet, më gjatë se çdo monark britanik në histori dhe çdo monark aktual në botë. Ajo ishte vetëm 25 vjeç kur u ngjit në fron.
Mbreti i ri i Britanisë, Charls, ka reaguar përmes një deklarate të bërë publike nga Familja Mbretërore.
“Vdekja e nënës sime të dashur, Madhërisë së Saj Mbretëreshës, është një moment i trishtimit më të madh për mua dhe të gjithë anëtarët e familjes sime. Ne vajtojmë thellësisht vdekjen e një sovrani të dashur dhe një nëne shumë të dashur. Unë e di se humbja e saj do të ndihet thellësisht në të gjithë vendin, mbretëritë dhe Commonëealth dhe nga njerëz të panumërt në mbarë botën.
Gjatë kësaj periudhe zie dhe ndryshimi, familja ime dhe unë do të ngushëllohemi dhe do të mbështetemi nga njohuritë tona për respektin dhe dashurinë e thellë në të cilën mbretëresha mbahej kaq gjerësisht.”, thuhet në deklaratë.
Teksti i himnit kombëtar të Mbretërisë së Bashkuar do të ndryshojë tani që Mbretëresha Elizabeth II nuk është më.
Kënga, “God Save the Queen”, do të ndryshojë në “God Save the King”, pasi djali më i madh i Mbretëreshës, Princi Charles, merr fronin.
Të gjitha tekstet do të mbeten të njëjta, përveç se “mbretëresha” të zëvendësohet me “mbret” dhe “ajo” të zëvendësohet me “ai”.
“God Save the King” është në fakt titulli origjinal i himnit; ai u shkrua në 1745 dhe u bë i njohur si himni kombëtar i Mbretërisë së Bashkuar në fillim të shekullit të 19-të, sipas faqes zyrtare të familjes mbretërore.
Mbretëresha mori fronin në vitin 1952, kur teksti ishte “God Save the King”, për nder të mbretit George VI.
Ndërkohë, për herë të parë pas 70 vjetësh, anglezët do përdorin “God Save the King”. E para e filloi kryeministrja e re Liz Truss, e cila fjalimin e saj me rastin e ndarjes nga jeta të Elizabeth II e mbylli me shprehjen “God Save the King”.
“Sot Kurora i kalon, siç ka bërë për më shumë se një mijë vjet, monarkut tonë të ri, kreut tonë të ri të shtetit, Madhërisë së Tij Mbretit Charles III. Me familjen e Mbretit ne vajtojmë humbjen e nënës së tij dhe jemi bashkë. Ne i ofrojmë atij besnikërinë dhe përkushtimin tonë, ashtu si nëna e tij na ka kushtuar kaq shumë për kaq shumë kohë”, tha Truss. r.j
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
