“Edi Rama u jep qindra milionë euro guacave “gjyshe”, “nëna” dhe “bijë” me zero staf”

PD beri sot edhe 5 pyetje të tjera në vijim të denoncimit të përditshëm për Inceneratorët.

”Ja ku përfundojnë paratë e shqiptarëve. Edi Rama u jep qindra milionë euro guacave “gjyshe”, “nëna” dhe “bijë” me zero staf”, tha anëtari i Këshillit Kombëtar të PD, Klodian Muço.

5 pyetjet:

Një ‘guacë gjyshe’, në pronësi të një shtetaseje të lindur në ish – Bashkimin Sovjetik, me vetëm 2 vetë në staf dhe 18 mijë euro, ka në pronësi një ‘guacë nënë’, me zero staf e 18 mijë euro buxhet, e cila zotëron ‘guacën bijë’ “Geogenix” me zero staf dhe 50 mijë euro buxhet, të krijuar nga dhurata e Klodian Zotos!

Tek kjo guacë me zero staf Edi Rama po çon qindra miliona euro!

Qartësisht, Edi Rama gënjeu kur tha se është kompani me eksperiencë të madhe dhe i dha 8 pikë bonus!

Si është situata sot?

– Mbi 100 milionë euro të vjedhura për inceneratorë që nuk janë;
– Inceneratori i Tiranës nuk ka asnjë tullë
– Zoto ka vjedhur miliona për konsulencë inceneratori që nuk ekziston;
– Kontrata vijon e nuk ndërpritet paçka se miliona euro vidhen
– Paratë publike vidhen dhe fshihen nëpër guaca, dhe veç një shtetase ruse e di se ku
-SPAK ka ikur në drejtim të paditur dhe e lë vjedhjen të vijojë duke u bërë edhe vetë një ‘guacë e drejtësisë’.

Pyetjet:

– Cila nga këto guaca kishte eksperiencë dhe meritonte 8 pikë të dhuruara me bujari nga Rama?
– Ku po pëfundojnë paratë publike të shqiptarëve?
– Ku janë inceneratorët?
– Çfarë karakteristikash kanë dhe a përputhen me nivelin e BE-së për ndotjen?
– A vërtetë mendoni se Zoto – Mërtiri po vjedhin qindra milionë euro se gjetën ca leshko apo po ndajnë paratë së bashku? Kush po i ndan paratë e vjedhura të shqiptarëve? a.b

/DRONI.al/