Apeli i GJKKO la në arrest shtëpie gjyqtaren e Elbasanit Zamira Vyshka duke rrëzuar ankimin e saj dhe duke lënë në fuqi vendimin e parë.
GNë seancën gjyqësore ajo është shprehur se vendimet e saj kanë qenë të drejta dhe të arsyetuara ndërkohë që e ka cilësuar si të padrejtë këtë vendim.
Bashkë me të u la në arrest shtëpie edhe ish gjyqtari, tashmë avokat, Ilir Pashaj.
Ndërkaq Taulant Ramollari Andrea Tirana janë lënë në burg.
Vendimi i Apelit:
Komunikohet në mënyrë të përmbledhur se, sot më datë 16.08.2022, në Gjykatën e Posaçme të Apelit për Korrupsionin dhe Krimin e Organizuar, u shpall vendimi lidhur me çështjen nr. 31, datë 11.08.2022 regjistrimi, me objekt “ankim ndaj vendimit të caktimit të masës së sigurimit personal”, në ngarkim të personave nën hetim I.P., T.R., Z.V., A.T., ku trupi gjykues monokratik i përbërë nga gjyqtarja Iliriana Olldashi, vendosi:
