Qeveria duhet të çojë në gjykatë për të bllokuar kontratën për inceneratorët pas zbulimeve të vjedhjeve të fondeve që qeveria jep për të, deklaroi kryetarja e LSI, Monika Kryemadhi në një konfetencë shtypi këtë pasdite.
Kryemadhi i ka drejtuar disa pyetje Ibrahimajt nëse ajo apo Tatimet kanë ushtruar ndonjëherë kontroll në magazinat e këtyre kompanive, të cilat nuk kanë as mall dhe as persona të punuar!
Më vjen mirë që ka një reagim pas kaq kohësh por jam e bindur se në deklaratën e saj ka shumë luhatje. I kërkoj ministres të bëjë transparente çfarë investimi është bërë në inceneratorin e Tiranës deri më sot.
I bëj një pyetje ministres: A i keni kontrolluar magazinat e këtyre kompanive? Se kjo është detyrë e Tatimeve. Mjafton të pyesni bizneset e ndershme shqiptare të cilët në dyer kanë çdo javë hetimin tatimor që u kontrollon magazinat e tyre nga uji, kripa, sheqeri, vaji, metër kub çimento, por në këto kompani hetimit tatimor në kaq vite nuk ka zbarkuar asnjëherë se të paktën do kishim një vendim për t’i denoncuar në Prokurori.
A e dinit qe Klodian Zoto ka qene nënkontrata e ka kryer evazion fiskal ne vlerën 25 milion dollare?”, tha Kryemadhi. a.b
