Dy shqiptarë dhe tre grekë u arrestuan pasi janë përfshirë në një rrjet të madh të pastrimit të parave.
Dy shqiptarët janë identifikuar si Arbër Prenga, 32- vjeç dhe Arjan Xhangolli, 32- vjeç. Ata dhe një shtetas grek, konsiderohen si “bërthama” e organizatës, të cilët jepnin para me fajde dhe më pas i pastronin nëpërmjet lokalit në pronësi të një prej anëtarëve.
Mediat greke shkruajnë se për një kredi prej 5000 euro, interesi mund të jetë deri në 2000 euro në muaj. Dy të arrestuar të tjerë, një 45-vjeçar nga Heraklioni dhe një 24-vjeçar që drejton një kafene në periferinë lindore, dyshohet se kanë kryer pastrim të rëndë parash.
Nëse kishte vonesa në pagesën e kamatës, klientët e tyre futeshin kamatë dyfish dhe trefish, qoftë edhe në ditë. Një shumë prej 5000 euro mund të shndërrohej sa hap e mbyll sytë me 50.000 euro. Ka pasur persona që kanë pasur nevojë për arsye shëndetësore pasi duhet të kryejnë ndonjë operacion vetë ose fëmijët e tyre dhe kanë marrë hua me kamatë, duke “nënshkruar” dënimin e tyre.
Persona të cilët për shkak të pandemisë, për të mos i vënë drynin bizneseve të tyre (kompani, dyqane, farmaci etj.) u detyruan të merrnin hua nga të arrestuarit, për të shpëtuar situatën dhe më pas u “mbytën nga laku” i kamatës dhe i kërcënimeve.
Burimet thonë se presioni ishte aq i madh sa disa kishin kaluar në procesin e shitjes së pronave të tyre për të shlyer “huadhënësit”. 46-vjeçari është një person i njohur në Heraklion si për çështje të ndryshme kriminale ashtu edhe nga prania e tij gjatë natës dhe në palestra. Të dy shqiptarët, megjithatë, nuk janë “të shquar” për autoritetet.
Një oficer i lartë cituar nga mediat vendase thotë se në dosje ka dëshmi të rënda viktimash që u besuan drejtuesve të Organizatës dhe pranuan të flasin. Por atje, ka të tjerë (ata tashmë i njohin disa prej tyre) që ende heshtin nga frika.r.j
