Thika e bllokuar nga policia e Korçës
Specialistët e Seksionit për Krimet e Rënda, në drejtorinë Vendore të Policisë së Korçës bënë kapjen dhe arrestimin në flagrancë të Skënder Shahinasi, 58 vjeç, banues në Korçë.
Arrestimi i tij u bë pasi, dje në lagjen nr. 18, në qytetin e Korçës, pas një konflikti të çastit për motive të dobëta, me E. Sh., 58 vjeç, ka tentuar ta vrasë këtë të fundit, duke e goditur disa herë, me sende të mprehta (thikë).
E. SH., është transportuar në Spitalin Rajonal të Korçës, ku ndodhet nën kujdesin intensiv të mjekëve.
Gjatë momentit kur autori i kësaj ngjarje, do të shoqërohej nga shërbimet e Rendit, për në Komisariatin e Policisë Korçë, në afërsi të banesës të tij, ky i fundit u gjet duke mbajtur një sëpatë në dorë .
Në cilësinë e provës materiale, Skënder Shahinasit, iu gjet dhe bllokua një thikë (me teh të këputur) si edhe një sëpatë.
Materialet i kaluan Prokurorisë të Rrethit Gjyqësor Korçë, për veprën penale, “Vrasja me dashje, e ngelur në tentativë” parashikuar nga nenet 76 e 22 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
