Ish drejtori i RTSH, Thoma Gëllçi u dënua sot nga Gjykata e Posaçme me 1 vit e 4 muaj.
Me nga 1 vit dënuan dhe vartësit e tij Julian Tapia, Ervin Murraj, e Alban Malaveci.
Avokati mbrojtës i Gëllçit, Dorian Matlija, u shpreh se vendimi i sotëm i Gjykatës, kënaq gjyqin popullor që iu bë klientit të tij, por nuk jep drejtësi.
“Kjo është një gjykatë popullore, ku duan të kënaqin njerëzit për konsum publik, është një çështje që mund të vendosë në rrezik zyrtarë të lartë, shteti nuk mund të funksionojë në këtë lloj mëyre. Do të kemi një rrugë të gjatë drejt pafajësisë. Është bërë një presion shumë i madh, që të ketë rezultate. Ka njerëz që kanë interes personal për dënimin e Thoma Gëllçit”, u shpreh Matlija. a.b
