Rreth orës 17:05, në lagjen “Ahmet Haxhija”, Shkodër, në ByPass, në afërsi të një kanali, është gjetur pa shenja jete shtetasja Laze Qose (K) 37 vjeçe, lindur në Tropojë e banuese në Dobraç, Shkodër, njofton policia e Shkodrës.
Trupi është pjesërisht i dekompozuar dhe pritet ekspertiza mjeko-ligjore për të përcaktuar shkakun e vdekjes.
Në vendngjarje ndodhet Grupi hetimor nën drejtimin e Prokurorisë së Rrethit Gjyqësor Shkodër, ku vijon puna për zbardhjen e plotë të rrethanave të ngjarjes.
Që më 18 maj 2022, motra e kësaj shtetasesje ka bërë kallzim në Komisariatin e Policisë Shkodër, se me 8 maj të 2022, Laze Qose (K), ishte largar nga banesa, pasi kjo shtetase jetonte në Dobrac, në banesën e motrës së saj. m.k
