Në Tiranë do të zhvillohet të mlrkurën për herë të parë Finalja e Conference League, ku do të përballet skuadra italiane e Romës dhe ekipi i Feyenoord të Holandës.
Disa mijëra tifozë holandezë dhe italianë kanë mbushur kryeqytetin shqiptar.
Mes tyre ka nga ata huliganë që ndoshta mund të shkaktojnë probleme. Dy prej tyre, të cilët ishin holandezë, kanë përdhosur autobusin e skuadrës italiane, duke kryer nevojat e tyre dhe duke e filmuar këtë skenë, përballë hotelit ku do të grumbullohet skuadra e Romës në Tiranë.
Ndërsa në zonën e “Piacës” pranë qendrës, disa huliganë gjuajnë me shishe qelqi dhe plastike, si duket pas disa konfliktesh.
U desh ndërhyrja e forcave të rendit për të qetësuar disi situatën dhe për t’i larguar ata nga zona.
