Kryetari i sapozgjedhur i PD, Sali Berisha falenderoi sonte nga selia e partisë të gjithë ata demokratë që e votuan duke premtuar se shumë shpejt vebdit do ti kthehej demokracia.
“U krye. Kam një mirënjohje për ata që me një hark kohor të shkurtër dolën si njerëz të lirë, në një proces që do regjistrohet në historinë e shqiptarëve, si mrekullia e vërtetë e shekullit të 21-të. Ju do jeni të lirë, të zgjidhni udhëheqësit tuaj.
Dëshmitarë i pengesave të jashtëzakonshme, por anëtarët e PD-së, njerëz të idealeve më të larta dhe më fisnike, qytetarë të lirë të këtij vendi, bënë historinë në një proces të mrekullueshëm. Mirënjohja shkon drejt të gjithe atyre, kam një mirënjohje të pakufijshme për ata anëtarë që këtë ditë të 22 majit, lanë të gjitha obligimet dhe votuan për të zgjedhur kryetarin e PD-së.
Ky besim i tyre është për mua detyrim i madh, detyrim shumë i madh, por unë kam bindjen se sëbashku me ju ne do t’ja dalim. Në jemi në mision. Ne kemi për pasion lirinë. Te shpëtojmë Shqipërinë nga një regjim që nuk e meriton.
Në mënyrë të veçantë, mirënjohja ime shkon tek të rinjtë shqiptarë. Ishin ata promotorët kryesorë të kësaj lëvizje, ndaj dhe betimi im para tyre dhe mbarë shqiptarëve, do bëj gjithçka që ëndërrat e trye më të bukura të bëhen realitet në këtë vend. Ai që realizon ëndrrat e tij, ai është pafundësisht i detyruar të bëjë gjithçka për të realizuar ëndrrat e të tjerëve. Më 13 qershor një vit më parë, diku aty në qoshe, gazetarët pasi votova më pyetën: Çfarë mendon për rikthimin tënd dhe a parashikon Berisha ndonjëherë të rikthehet në krye të PD-së? Përgjigja ime ishte kjo, “Never say never”. Ndaj dhe unë, do t’i them sonte çdo të riu shqiptar, çdo demokrati shqiptar, never say never. Ne do fitojmë. Faleminderit shumë komisionerëve, komisionit zgjedhor, kryetarëve të degëve, Komisionit të Rithemelimit të PD-së. Përshëndetje të veçantë për Ibsen Elezit, i cili si demokrat i vërtetë, zhvilloi një garë të qytetëruar” – tha Berisha. m.k
