Shqipëria ka reaguar pas dokumentimit të krimeve dhe masakrave që ushtria ruse ka kryer në Ukrainë. Ministrja e Jashtme, Olta Xhaçka tha se Shqipëria si anëtare e Këshillit të Sigurimit në OKB do të bëjë gjithçka që këto krime të hetohen.
”E shokuar nga provat mizore të ushtrisë ruse në Ukrainë .
Imazhet e civilëve të vdekur, burra, gra dhe fëmijë, të hedhur në rrugët e qyteteve të çliruara të Ukrainës, historitë e dokumentuara të përdhunimeve dhe shkatërrimeve tronditëse të qyteteve të tëra, janë padia më e qartë e natyrës së vërtetë kriminale të regjimit rus.
Bota duhet të veprojë! Si anëtare e Këshillit të Sigurimit të OKB-së dhe Grupit të Miqësisë për Përgjegjshmërinë në Ukrainë, Shqipëria do të punojë me aleatët dhe partnerët e saj në mënyrë që këto krime të evidentohen dhe hetohen siç duhet”, deklaroi sot ministrja e Jashtme Olta Xhaçka. r.p
