Policia e Tiranë ka finalizuar faza të tjera të operacionit të koduar “Network”, të zhvilluar nga Seksioni për Hetimin e Trafiqeve kundër shfrytëzimit për pros*iticion dhe ushtrimit të kësaj veprimtarie të paligjshme.
Gjatë aksionit janë zbuluar tre apartamente të tjera ku ushtrohej prostitucion, ndërsa janë vënë në pranga shtatë persona dhe pesë të tjerë janë vënë nën hetim në gjendje të lirë.
Në pranga ranë S. Z., 33 vjeç dhe O. N., 22 vjeçe, bashkëjetues, pasi dyshohet se shfrytëzonin për prostitucion, në një apartament të marrë me qira ditore në rrugën “Njazi Demi”, shtetasen ukrainase A. H., 23 vjeçe, e cila u arrestua për veprën penale “Prostitucioni”.
Po ashtu, u arrestuan L. M., 57 vjeçe, L. Sh., 39 vjeçe, Sh. R., 47 vjeçe dhe Zh. P., 37 vjeçe, të gjitha shtetase kineze, pasi ushtronin prostitucion në dy apartamente në zonën “Vasil Shanto” dhe në rrugën “Vangjush Furxhi”.
Në vijim të hetimeve, policia nisi procedim në gjendje të lirë për pesë shtetas të tjerë, mes tyre pronarët e tre apartamenteve të dhëna me qira dhe dy persona të dyshuar si përfitues nga kjo veprimtari.
Materialet procedurale iu referuan Prokuroria e Tiranës për veprime të mëtejshme.a.b
