Deputeti Gazment Bardhi, ish sekretar i Përgjithshëm i PD dhe një nga inspiruesit kryesorë të luftës ndaj Berishës ka kërkuar sot sërish që ish kryeministri të marrë pjesë në mbleshjet e grupit parlamentar të PD.
“Një parti ku nuk respektohet vullneti, qëndrimi dhe vlerësimi i Grupit Parlamentar është parti personale, por jo demokratike. Askush nuk duhet ti imponohet apo injorojë mendimin e Grupit Parlamentar, kjo është përdhosje e dinjitetit të çdo deputeti.
Deputetët duhet të kenë të drejtë pa asnjë kompleks apo presion të bëjnë vlerësimin e tyre nëse një person i shpallur nongrata nga SHBA duhet apo jo të jetë pjesë e grupit. Deri atëherë askush nuk mund të imponohet.
Çdo sjellje tjetër që i imponohet me kokëfortësi grupit parlamentar, pa pyet dhe duke e injoruar atë, është e papranueshme dhe jo demokratike”, ka deklaruar Bardhi.
Vendimi për përjashtimin e Berishës nga grupi parlamentar nuk është marrë nga grupi por nga kryetari i PD. Ndërkohë të gjitha vendimet e marra nga kryetari i PD dhe kryesia apo këshilli kombëtar konsiderohen të paqena nga kuvendi i 11 dhjetorit. Për rrjedhojë edhe vetë kuvendi i trukuar i 18 dhjetorit është i paligjshëm pas vendimit të gjykatës së Tiranës. a.b
