Forcat ruse u panë këtë mbrëmje në qendër të Mariupolit ndërsa dejlaruan se kanë marrë kontrollin e qytetit portual, i cili prej ditësh ishte kthyer në qendrën e luftimeve mes palëve.
Lajmi u dha nga kryebashkiaku Vadym Boichenko, i cili konfirmoi avancimin rus në qytet, duke thënë se luftimet kanë qenë shumë të ashpra dhe tashmë nuk ka një pjesë të Mariupolit ku nuk shihen shenjat e luftës.
Mijëra njerëz kanë mundur të largohen nga qyteti, ndërsa shumë të tjerë kanë gjetur strehim në vendet e përgatitura nga autoritetet lokale për t’iu shpëtuar plumbave.
Ministria ruse e Mbrojtjes doli në një deklaratë ku bëri me dije se trupat ushtarake do të falin këdo që dorëzohet në orët në vijim në Mariupol.
Por, i menjëhershëm ishte dhe reagimi i Kievit zyrtar që refuzoi propozimin për tërheqjen e ushtrisë ukrainase nga Mariupoli duke urdhëruar vazhdimin e luftës me pushtuesin. r.j
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
