Është ekzekutuar në Belgjikë, Bledar Muça i njohur ndryshe si “krahu i djathtë” i Ardjan Çapjas, sikurse raportojnë mediat vendase. 39-vjeçari është vrarë në Antwerp, mbrëmjen e së shtunës rreth orës 23:00.
Muça është qëlluar në një autostradë, ndërsa ka ndërruar jetë në vend. 39-vjeçari kishte edhe shtetësi britanike.
Bledar Muça është emër i njohur për drejtësinë shqiptare dhe rezulton i përfshirë në disa ngjarje kriminale në qytetin e Elbasanit.
Në verën e vitit 2016 ai u arrestua në Elbasan dhe u dënua me dy vite burg pasi qëlloi me armë ndaj efektivëve të policisë.
Bledar Muça për herë të fundit në Shqipëri ai është arrestuar në maj të vitit 2020, pasi aksidentoi një polic burgu.
Në vitin 2016 ndaj tij janë bërë dy atentate. Njëri në shkurt 2016, kurse tjetri në korrik të të njëjtit vit. Në atë të korrikut ai ishte objektiv bashkë me Florenc Çapjan. Muça u plagos nga ai atentat, kurse Florenc Çapja nuk pësoi asgjë. Për atë atentat, policia shpalli në kërkim dhe arrestoi më vonë Shkëlzen Hasanpapajn.
Emri i tij është i përfshirë edhe në vrasjen e vëllezërve Roland dhe Ilir Rexhepi, vrasje të ndodhura në kohë të ndryshme në qytetin e Elbasanit, por që asnjëherë nuk iu provuan nga policia dhe nga prokuroria. Madje emri i tij u shpall edhe në kërkim ndërkombëtar për vrasjen dy vite më vonë, të vëllait të Roland Rexhepit, ish-efektivi i policisë që njihej me pseudonimin “Doda”. r.k
