Policia ka nisur ndjekje penale për disa nga banorët që kundërshtuan sot prishjen e banesave të tyre tek rriga 5 maji në Tiranë. Banorët kundërshtuan prishjen e banesave pasi bashkia ofroi një marrëveshje në dëm të banorëve dhe kompesim nën dëmin që pësonin ata nga prishja e banesave.
“Gjatë zbatimit të VKM me Nr. 533, të nisur mëngjesin e sotëm për prishjen e disa objekteve në zonën e “5 Majit”, një grup banorësh kanë kundërshtuar dhe nuk i janë bindur urdhrave të punonjësve të Policisë.
Specialistët për Hetimin e Krimeve në Komisariatin e Policisë Nr. 4 proceduan penalisht shtetasit:
– E. M., 41 vjeç, për veprën penale “Kanosja për shkak të detyrës”;
– K. L., 40 vjeç dhe L. M., 30 vjeç dhe Z. N., 38 vjeçe, për veprat penale “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të policisë së rendit publik””, thuhet në njoftimin e policisë së Tiranës. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
