Presidenti Meta tha se ka nisur procedurat për ti dhënë zgjidhje situatës së bashkive pa kryetar por me drejtuesi të deleguar.
Meta u shpreh se i ka nisur një letër KQZ për informacion në lidhje me ato bashki që kanë mungesë kryetari për arsye të ndryshme.
Presidenti tha se ai vendosur të shpallë zgjedhjet e parakohshme lokale sapo të marrë përgjigjen nga KQZ.
Ndërkohë theksoi se bëra një akt patriotik që anulova zgjedhjet e 30 qershorit 2019 duke shmangur një konflikt mes opozitës dhe qeverisë socialiste, dhe pse nuk kishte rezultat pasi qeveria refuzoi dekretin e Presidentit.
Meta tha se nuk ka nevoje për konsultim me partitë politike pasi janë zgjedhje të pjesshme.
Mbajtja e zgjedhjeve të pjesshme do të vërë në pozitë të vështirë opozitën e vecanërisht PD e cila i bie të shkojë në zgjedhje e përcarë dhe pas një valë përjashtimesh nga selia aktuale, mes paqartësive të lidershipit dhe ende pa një vendim gjykate në lidhje me kuvendin e 11 dhjetorit. a.b
