Kryeministri Edi Rama pritet t’i rikthehet mbledhjeve të zgjeruara të Grupit Parlamentar të Partia Socialiste, takime që shpesh janë karakterizuar nga bullizëm sistematik të Ramës ndaj pak atyre që mendojnë ndryshe prej tij.
Mbledhja e radhës do të zhvillohet të hënën e javës së ardhshme, në orën 11:00, në Pallati i Brigadave. Në këtë takim pritet një raportim mbi ecurinë e procesit të integrimit europian nga ministri i Jashtëm, Ferit Hoxha, si dhe nga kryenegociatorja Majlinda Dhuka.
Fokusi kryesor i diskutimeve do të jetë Kapitulli 24, që lidhet me çështjet e lirisë, drejtësisë dhe sigurisë, një nga kapitujt më të ndjeshëm në procesin e anëtarësimit në Bashkimi Europian.
Shqipëria vijon të përballet me një ngërç në rrugën e integrimit, pasi raporti IBAR ende nuk është miratuar. Sipas zhvillimeve të fundit, qëndrimi i Brukseli ndaj Tiranës lidhet kryesisht me mbështetjen e dhënë nga Rama ndaj Belinda Balluku ndërsa të paktën 9 vende të BE kanë bllokuar procesin mes të cilave edhe Greqia.
Ndërkohë, një ditë më parë, Brukseli njoftoi nisjen e punës për hartimin e traktatit të anëtarësimit për Mali i Zi, përfshirë në një paketë bashkë me Islandën duke e vendosur këtë vend një hap më përpara në proces. m.k
