Kreu i PD, Sali Berisha ka ngushëlluar për humbjen e Akademikut Rexhep Qosja dule lënë pas krahëve gati 35 vjet mospajtim e konflikt me të.
“Kultura, mendimi letrar dhe shoqëror e politik shqiptar, polemika dhe letrat shqipe humbën një kollos të tyre, autor të një seri veprash në këto fusha.
Pavarësisht nga kundërshti, mospajtime dhe vlerësime të ndryshme që kam patur me Prof. Rexhep Qosen kam ruajtur dhe do ruaj gjithmonë respektin dhe mirënjohjen time ndaj tij veçanërisht për kohën kur ai ishte zëri publik i vetëm i fuqishëm i shqiptarëve pa zë e të shtypur të Kosovës nga pushtuesi serb dhe më vonë për mbështetjen e palëkundur që i dha UÇK por edhe qëndrimet e tij kritike ndaj zhvillimeve në Kosovë dhe në Shqipëri. Me këtë rast shpreh ngushëllimet e mia më të ndjera, familjes miqëve të afërmëve dhe autoriteteve të Kosovës. I qoft dheu i lehtë i tokës amë”, shkruan Berisha në rrjete sociale.
Berisha dhe Qosja u vunë përballë që nga viti 1993 për të kaluar në një konflikt të gjatë publik sidomos nga viti 1997. Ata nuk ranë asnjëherë për asgjë dakord ndërkohë që Berisha ishte më i tërhequr në deklarata ndërsa Qosja sistematik. m.k
