Ish kryeministri, Sali Berisha mbajti një takim me simpatizantët e PD në 31 vjetorin e krijimit të kësaj force politike në këtë qytet.
Gjatë fjalës së tij Berisha tha për Lulzim Bashën se ka tradhëtuar të gjithë mbështetësit e PD-së dhe nga dita e parë pas 25 prillit ka menduar vetëm për karrigen e tij.
“Është rasti të shpreh mirënjohjen ndaj të gjithë mbështetësve tanë, që dhanë gjithçka për fitoren e PD-së, por u lanë sistematikisht të tradhëtuar, nga njeriu që do të hyjë në histori si politikani më i papërgjegjshëm ndaj forcës së tij politike.
Ne duhet të jemi shumë krenar, forcat politike si e jona në vendet ish-komuniste janë arkivuar në histori, mirëpo ne mbijetuam. PD pati fatin e keq që të kishte në krye një njeri që e çoi partinë nga disfata në disfatë. 620 mijë njerëz na besuan, por ishin pa një kokë në drejtim. Vetëm 19% e tyre kishin besim te ai kryetar, jo pa të drejtë, pasi ai nuk e meriton besimin tuaj.
Në vend që të ftonte mbështetësit që të mbushnin sheshet, që të mos pranohej rezultati i zgjedhjeve, u mor me manipulimin e votave për zgjedhjen e tij, për të mbajtur karrigen”, u shpreh Berisha përpara mbështetësve në Vlorë.
Ndërsa kreu i PD, Lulzim Basha ka zhvilluar një takim me simpatizantët e PD në Dibër në kuadër të 31 vjetorit të krijimit të kësaj force politike. a.b
