Autoritetet në Podgoricë kanë shpallur në kërkim një shtetas nga Rozhajë, i identifikuar si Vehid Murić, i dyshuar për një ngjarje të rëndë kriminale të ndodhur gjatë natës.
Sipas të dhënave paraprake nga policia, ai dyshohet se ka vrarë tre persona në një apartament me qira, ku ndodhej së bashku me viktimat, me të cilët punonte në një kantier ndërtimi. Mes viktimave raportohet se janë edhe dy vëllezër shqiptarë.
Pas krimit, i dyshuari mendohet se është larguar nga vendngjarja dhe është kthyer në qytetin e tij të lindjes. Hetimet paraprake tregojnë se më pas ai dyshohet të ketë ushtruar dhunë edhe ndaj nënës së tij në banesën familjare.
Policia bën me dije se në këtë ngjarje dyshohet të jetë përdorur një mjet prerës, ndërsa motivi lidhet me konflikte personale mes autorit të dyshuar dhe viktimave.
Ndërkohë, vijon operacioni për kapjen e tij dhe për zbardhjen e plotë të rrethanave të kësaj ngjarjeje të rëndë.m.k
