Vendi i ngjarjes në Memaliaj
Si pasojë e të shtënave me armë zjarri, ka humbur jetën 33-vjeçari Endri Goxhaj, ndërsa është plagosur rëndë edhe 30-vjeçari Dario Nela, i cili është transportuar me urgjencë në spital.
Ngjarja e rëndë ndodhi në qendër të qytetit në Memaliaj.
Sipas raportimeve, konflikti ka nisur fillimisht si përplasje fizike në qendër të qytetit, për të degjeneruar më pas në përdorim armësh.
Burime nga vendngjarja bëjnë me dije se i plagosuri ka marrë disa plumba në trup dhe ndodhet nën kujdesin e mjekëve.
Ndërkohë, forcat e policisë kanë mbërritur menjëherë në vendngjarje dhe po punojnë për mbledhjen e provave dhe dëshmive, me qëllim zbardhjen e plotë të rrethanave.
Sipas njoftimit zyrtar të Policisë, rreth orës 20:50, dyshohet se pas një konflikti, shtetasi me iniciale D. N. ka qëlluar me armë zjarri shtetasin E. G., i cili ndërroi jetë gjatë transportit për në spital.
Gjithashtu, i plagosur ka mbetur edhe vëllai i autorit të dyshuar, një 25-vjeçar. Nfërkaq vetë autori është larguar me një makinë. a.b
