Ish-kryeministri Sali Berisha tha se peng Basha po ofron poste drejtorësh, zv.ministrash në kabinetin e Edi Ramës në këmbim të mbështetjes brenda PD.
Berisha e paralajmëroi Bashën duke thënë se le t’i bashkohet qeverisë së Ramës por do përmbysen bashkë me ta pasi Partia Demokratike do të rithemelohet dhe do të plotësohet deri në fund vullneti I demokratëve.
”Duhet të shndërrohemi në opozitë të vërtetë, sepse peng kryetari me një grusht vasalësh po përpiqet të mbledhë firma duke ofruar poste në kabinetin e Edi Ramës.
Futuni në qeveri si tradhtarë por do u përmbysim bashkë me tan ë një kohë sa më të shkurtër. Ne jemi prag të një ngjarjeje historike në vend, të rithemelimit të PD me firmat e anëtarëve të saj”, tha Berisha.
Në vijim Berisha tha se do të bëjmë ndryshime të rëndësishme në statut. Një prej neneve do ta quajmë neni Basha i cili do të kufizojë mandatin e kryetarit i cili duhet të largohet nëse humb zgjedhjet. m.k
