Grupi Parlamentar i Partia Demokratike ka njoftuar se Gjykata Administrative e Shkallës së Parë Tiranë ka vendosur shfuqizimin e masave disiplinore të marra ndaj disa deputetëve të opozitës.
Sipas njoftimit, gjykata ka rrëzuar masën “Përjashtim nga pjesëmarrja në komisione dhe seancë plenare” për një periudhë 30-ditore për deputetët: Flamur Noka, Albana Vokshi, Elda Hoti, Belind Këlliçi, Klevis Balliu, Fidel Kreka.
Masat disiplinore lidhen me seancën plenare të 18 dhjetorit 2025, ndërsa vendimet përkatëse ishin marrë më 23 dhjetor 2025 nga Sekretariati për Etikën dhe ishin lënë në fuqi më 20 janar 2026 nga Byroja e Kuvendit.
Sipas Grupit Parlamentar të PD-së, ky është rasti i dytë që Gjykata Administrative e Shkallës së Parë Tiranë vendos shfuqizimin e masave disiplinore ndaj deputetëve të opozitës, duke i konsideruar ato në kundërshtim flagrant me ligjin. Një vendim i ngjashëm ishte marrë më herët me vendimin nr. 4011 (4089), datë 06.11.2024.
Demokratët e cilësojnë këtë vendim si një tjetër provë se masat disiplinore ndaj tyre kanë qenë të paligjshme, ndërsa theksojnë rëndësinë e respektimit të procedurave dhe standardeve ligjore në funksionimin e Kuvendit. a.b
