Prokuroria dhe Policia në bashkëpunim me Agjencinë e Inteligjencës dhe Sigurisë së Mbrojtjes pranë Ushtrisë, do të kryejnë një eksperiment si një nga veprimet e fundit hetimore për zbardhjen e vdekjes së 4 turistëve ruse, në një hotel në Qerret të Kavajës.
Grupi hetimor pritet të zhvillojë një eksperiment në ambientet e pishinës ku ekspertët e laboratorit ushtarak, synojnë të përcaktojnë nëse ka patur element biologjik apo reagent kimik që mund të kenë shkaktuar vdekjen.
Paraprakisht dyshohet se bashkëshortët Sergei dhe Natali Burenkova, vajza e tyre Ekaterina dhe dhëndëri Nikita Belusov humbën jetën nga asfiksia, por është e paqartë se çfarë e ka shkaktuar.
Prokuroria e Kavajës është duke e hetuar ngjarjen e regjistruara mbrëmjen e 14 tetorit në një hotel në Kavajë, si vrasje në rrethana cilësuese, kjo për shkak të numrit të viktimave, por edhe rrethanave të paqarta në të cilat ndodhi. tvklan.al
