Image GalleryKrahu i djathtë i kryebashkiakut të Krujës kultivues i 50 mijë rrënjëve kanabis, policia në ruajte të parcelës 6 hektarëshe.
Denoncimi ka ardhur nga PD.
Sipas kreut të Departamentit të Rendit dhe Sigurisë në PD, Enkelejd Alibeaj, doga “kultivohet” me metoda të sofistikuara, shumë pranë Aeroportit ët Riansit.
Alibeaj, denoncon edhe skemën dhe personat e përfshirë, në ruajtjen e kësaj sasie të konsiderueshme të mbjellë me kanabis.
Deklarata e plotë e kreut të Departamentit të Rendit dhe Sigurisë në PD, Enkelejd Alibeaj
Edi Rama e ka nisur Tahirin e tij në ca shfaqje qesharake me të cilat po tallet i madh e i vogël, nëpër disa kodra ku gjoja bëhet nami ndaj drogës.
Kanë marrë pjesë në këto shfaqje edhe gazetarë, dhe deputetë të rilindjes.
Çdokush e di se këto aksione janë sa për shfaqje, janë selektive dhe prekin vetëm ata që nuk e kanë paguar haraçin 30 për qind.
Ja pse.
Kemi këtu foto, dhe pamje filmike të të paktën 6 hektarëve me kanabis, në zemër të vendit, në Larushkë, 2 kilometra larg aeroportit të Rinasit.
Video në ekran gjithashtu tregon afërsinë me pistën e Rinasit, nga ku ngrihen avionët.
Raportohet se këtu janë të paktën 50 mijë rrënjë, të mbjella krahu i djathtë i kryetarit të Bashkisë Krujë, partner dhe sponsorizues i tij, me inicialet, F. D. Shtëpia që duket ngjitur, është e një punonjësi të policisë, shërbëtor i kryetarit të Bashkisë, Bushi, me inicialet K. L. Dhe shefi operativ i zonës, e ka banesën e tij 1 km larg këtij plantacioni me drogë.
Kjo drogë mbillet, kultivohet me sistem vaditje të sofistikuar, ruhet nga punonjësit e shtetit, dhe mbikëqyret drejtpërdrejt nga kryetari i Ramës në Bashkinë e Krujës, Bushi i famshëm i proceduar nga policia italiane për trafik lëndësh narkotike.
Këto foto dhe pamje janë marrë dy ditë më parë.
Si ky hambar droge ka me qindra në gjithë vendin, sepse zotërohen nga të paprekshmit, nga miqtë e Edi Ramës, nga bandat e lidhura me të.
Ky është sundimi i vendit me drogë e trafikantë.
Shqiptarët duhet të ngrihen e të bashkohen kundër këtij regjimi krimi e droge.
Shqipëria meriton punë të ndershme, rend e siguri.
Shqipëria më mirë pa Edi Ramën.
