Gjykata e Lartë vendosi ekstradimin nga Shqipëria në Itali të Alket Hatijas, ose siç njihet ndryshe si “Zoti” i drogës.
Në Shqipëri, Hatija ka shlyer 16 vite burg për trafik droge kurse në Itali ka 20 vite të tjera për të vuajtur pasi është dënuar nga Apeli i Gjykatës së Milanos.
Vendimi i Gjykatës së Lartë:
Ndryshimin e vendimit te Gjykates se Rrethit Gjyqesor Durres. Pranimin e kerkeses se Prokurorise se Rrethit Durres. Lejimin e ekstradimit te shtetasit Alket Hatija ne shtetin italian per efekt te ekstradimit te vendimit penal Nr.4526/2015, dt.30/09/2015 te Gjykates se Apelit Milano Itali.
Alket Hatia është dënuar me 23 vite burg për disa vepra penale për trafikim droge drejt Italisë dhe krijim të organizatave kriminale. Pas përfundimit të dënimit ai është liruar.
“Zot i drogës? Kanë luajtur mendsh për Zotin. Nuk e di kush e thotë këtë. Unë e kam pranuar çfarë kam bërë. Unë vetëm 2-3 veta kam njohur megjithëse aty dolën gjithë ata veta. Unë kam pranuar dosjen time me çfarë kishte brenda. Tani shteti im po më merr peng. Nuk dorëzohem peng te njerëzit e paaftë. Le të më vrasin. Unë vetë nuk do të shkoj te këta. Nuk kam besim. Le të sqarojnë dosjen që ka ardhur nga Italia. Unë e kam bërë burgun për atë çështje. Unë burg tjetër nuk bëj sepse bëra 10 vite e gjysmë burg. Nuk njoh asnjë politikan. Nuk i jam afruar kurrë politikës”, ka deklaruar Hatija në një intervistë kohë më parë nga arratia, citon Panorama. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
