Këngëtarja e njohur Fjolla Morina është arrestuar sot në mesditë nga policia e Kosovës ndërsa po qëndronte në një lokal në Prishtinë.
Mediat kosovare transmetuan pamje nga ndalimi ndërsa ajo po debatonte me policët.
Morina është e shpallur në kërkim ndërkombëtar nga Interpoli Tirana, pasi mbi të rëndon akuza për trafikim të armëve dhe municioneve në Shqipëri si dhe braktisje e vendit të dënimit.
Gjykata e Kukësit dënoi me 6 vite burg këngëtaren nga Kosova, Fjolla Morina, për veprën penale të “Trafikut të armëve dhe municionit”.
Morina ishte mbajtur në arrest shtëpiak në Kukës për një muaj, ndërkohë vetëm në prill të këtij viti Prokuroria pranë Gjykatës së Shkallës së Parë në Kukës ka depozituar vendimin për shpalljen në kërkim ndërkombëtar. m.k
