Shkolla ka filluar sot edhe në burg, ku të miturit e dënuar mësojnë shkrim e lexim. Shumica e tyre e ka braktisur herët shkollën dhe e vetmja gjë që kanë marrë prej saj është leximi i emrit.
Të kthyer në hajdutë apo edhe autorë krimesh të tjera, këta djem nga 14 deri në 18 vjeç po vuajnë dënimet përkatëse në Institutin e të Miturve Kavajë, ku edhe po tentohet që të riintegrohen.
Këtë vit, janë 16 të dënuar që do të jenë nxënës të grupuar në 4 klasa kolektive. Librat janë dhuratë nga burgu. Dy 17-vjeçare duhet të ishin në gjimnaz tashme, por për shkak se e kanë braktisur shkollën vite më parë pas arrestimit për vjedhje i rikthehen ciklit të ulët në klasën e pestë. Ata lexojnë me vështirësi.
Shkolla filloi sot edhe në burg, të miturit e dënuar mësojnë shkrim e lexim
