Lëvizja Socialiste për Integrim sërish hyn në lojën e radhës për protagonizmin e radhës. Duke e shmangur veten nga dështimi i reformës në arsim, me gjithë “kontributin” dhe garancitë për “suskes” që dha jo më larg se një vit më parë për votimin e kësaj reforme, LSI, “zbythet” dhe del me një paketë propozimesh të tjera.
Këtë paketë propozimesh konkrete për zgjidhjen e krizës së maturantëve, ka zgjedhur që nëpërmjet një “dërgate” të tipit Monika Kryemadhi – Kejdi Mehmeti, “t’ia lërë kopilin në derë” ministres së Arsimit, Lindita Nikolla.
Mësohet se LSI, sërish ka dhënë garanci e siguri, si një vit më parë, se propozimi i bërë prej saj, ka të bëjë me kriteret e garës për universitet, që maturantët të mos penalizohen.
Sipas propozimit të LSI, kërkohet reduktimi deri në 3 i preferencave për degët, ndërkohë që aktualisht sipas sistemit të ri janë 10 preferenca. Për më tepër LSI kërkon më shumë transparencë në fazën e dytë të garës.
Një tjetër propozim ishte që në kolonat e notave të mos ketë pikë ‘zero’, ndërsa u kërkua gjithashtu të ketë grupe konsultimi për maturantët në të gjithë vendin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
