Fatmir Xhafaj i cili ishte i 23-ti në listën e Tiranës, 5 emra më poshtë se I fundit që fitoi PS në kryeqytet, theu herësin dhe pret të marrë mandatin e deputetit.
“Shifrat tashmë publike konfirmojnë se e kam kaluar pragun minimal për të qenë deputet në legjislaturën e ardhshme të Kuvendit të Shqipërisë. Së bashku me ekipin e fushatës jemi duke monitoruar përfundimin e procesit të numërimit për të respektuar çdo votë në kutitë e votimit.
MIRËNJOHJE! Kjo është fjala ime e parë në këto momente. Socialistëve që më dhanë kurajo dhe forcë ta çoj deri në fund këtë betejë! Të gjithë votuesve të qarkut që më vlerësuan për çfarë kam bërë në politikë, për çfarë unë jam dhe për çfarë ata besojnë se mund të vazhdoj të bëj.
Ekipit të jashtëzakonshëm që punoi intensivisht me mua gjatë këtyre muajve me shpresën e madhe se do ja dilnim. Dhe ja dolëm të bënim një fushatë tejet modeste në shpenzime, por të pasur në besim, në kurajo dhe në energji”, shkruan Xhafaj në “Tëitter”.
“Familjes sime të mrekullueshme që ishte pjesë e kësaj beteje dhe miqve tanë të shumtë që si përherë ndër vite u gjendën pranë nesh dhe na mbështetën me zemër në rrugëtimin tonë. Në pamundësi për t’ju takuar dhe përshëndetur të gjithëve në këto momente dhe me dëshirën për tu parë e përqafuar së shpejti ju them: Faleminderit! Mirënjohje pafund!”, shkruan ai në disa postime njëri pas tjetrit në rrjetet sociale.
Du deputetë të tjerë të PD, Pandeli Majko dhe Mimi Kodheli nuk kanë arritur të kapin pragun që thyen herësin, kështu që nuk do të jenë deputetë në Parlamentin e ri që pritet të mblidhet në shtator. a.b
