Po kryhet në sheshin “Skënderbej” vaksinimi masiv i qytetarëve në moshë mbi 70 vjeç.
Sot është parashikuar që të vaksinohen 800 deri në 1000 të moshuar me vaksinën kineze ‘Sinovax’.
Janë ngritur dy çadra me nga 10 pika vaksinimi. Kryeministri Edi Rama u shpreh optimist se brenda majit do të vaksinohen rreth 500 mijë shqiptarë.
“Brenda majit, gjysmë milioni shqiptarë të vaksinuar. Kam bindjen e plotë se do të ecim shumë shpejt. Kemi siguruar sasi të konsideruershme. Besoj shumë që ky sezon turistik do të jetë shumë i lehtësuar si rezultat i këtyre goditjeve që i bëhet zinxhirit të infektimeve. Mbetemi të bindur që deri në pranverën e ardhshme do të jenë vaksinuar të gjithë. Por ministrja s’më lë, por unë mendoj se do të vaksinohen më parë”, tha Rama i cili vizitoi çadrat që më mëngjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
