https://m.facebook.com/story.php?story_fbid=3658138017577267&id=100001433151624
Nga Gent Strazimiri
Propaganda e “Partisë”, paska prodhuar një kopje të shëmtuar të një ngjarjeje emocionuese që i ka ndodhur Kancelarit austriak Sebastian Kurz, para 5 ditësh.
Një fëmijë i një vendi të paqëm si Austria, përmes një letre të shkruar me dorën e tij, i kërkon në thelb të lehtësojë masat anti-covid për Krishtlindje, në mënyrë që “Babagjyshi” të lejohet të shpërndajë dhuratat për çdo fëmijë…
Kancelari austriak e ka publikuar letrën në profilin e tij FB, duke njoftuar se kërkesa e Jakobit 7 vjeçar është marrë parasysh 😉 🤗🤩!
Në komentet e austriakëve që pasojnë postimin e Kurz, nuk janë të paktë ata që e disaprovojnë apo edhe e sulmojnë, me thumbime të tipit
“bravo kompania e imazhit, gjetje e bukur por sa na kushtoi?”
Ose
“Ato euro që ke harxhuar për këtë gjetje publicitare, t’i kishe harxhuar për popullin se njerëzit kanë halle….” !
Në fakt edhe në Austri ka hallexhinj, mbase jo deri
* tek buka e gojës,
* tek pamundësia për të blerë ilaçet kundër covid-#19,
* tek mungesa e shtretërve nëpër spitale,
* tek ekzekutimi nga policia, “për vetëmbrojtje”, i një të riu me 2 hurma në dorë…
* tek pamundësia absolute për t’u përballur me krizën ekonomike edhe sikur të mos të kishte covid-19…
Në Austri ka hallexhinj, pavarësisht se kostot e të gjitha sa me sipër, i mbulon qeveria e Sebastian Kurz, cent më cent, me një seriozitet e përpikmëri gjermanike!
Të guxosh t’u shesësh këtë plagjiaturë shqiptarëve,
* të lënë në mëshirë të fatit nga qeveria tyre,
* të abuzuar, nga vjedhja sistemike e deri në ekzekutim për 2 hurma a një paketë cigare,
* të dhunuar e të tradhëtuar në të drejtën e tyre për të reaguar,
* të vetëvrarë më shumë në spitalet e qeverisë se sa në rrugë nga policia e qeverisë,
është pak ta quash perverse!
Të guxosh të përqasësh e të vendosësh shenjën e barazimit mes 2 realiteteve, 2 qeverive, 2 kryeministrave, … 2 kryeqyteteve… aq më tepër në këto ditë, është pak ta quash çnjerëzore…
Është e njëjta logjikë, e njëjta taktikë, e njëjta propagandë anti-realitet, që shikon tek dokumentarët e arkivit të Kinostudios “Shqipëria e re”, me shqiptarë të lumtur, të ngrënë e të pirë, të veshur e të mbathur, por mbi të gjitha të kënaqur me qeverinë e “Partinë”, në kohën e kampeve të burgut e internimit, tallonit, rreckosjes materiale e shpirtërore!
Ky është rreziku, kjo është tragjedia e vërtetë që po jetojmë mbi dramat e përditshmërisë.
Po injektojnë në mënyrë sistemike rreckosjen e shpirtit, të njëjtat ndyrësira, pjella të Sigurimit të Shtetit (edhe biologjikisht), klysh “shoqesh” e shokësh, që mendojnë se duke i bërë lifting të njëjtës mrrutë të nytë e të përgjakur tashmë 80 vjeçare, mbulojnë edhe dëmet e saj, ashtu sikurse besojnë se silikoni i injektuar në fytyrë i kthen nga “shoqe” në… Zonja a Frau…
KAQ!
