Presidenti Donald Trump me anë të një teksti të siguruar nga mediat, pas fitores së Joe Biden, thotë që zgjedhjet nuk kanë mbaruar ende.
Duke komentuar rezultatin e deritanishëm, në tekst Trump është shprehur që Biden e mediat e tij aleate po nxitojnë ta nxjerrin atë fitues pasi po fshehin diçka, por administrata e tij do e ndjekë penalisht deri në fund këtë çështje.
“Të gjithë e dimë pse Joe Biden po nxiton që të pozojë në mënyrë të rreme si fitues, dhe pse gjithë mediat e tij aleatë po përpiqen kaq shumë ta ndihmojnë: ata nuk duan që e vërteta të ekspozohet. Fakti i thjeshtë është që këto zgjedhje nuk kanë mbaruar. Joe Biden nuk është certifikuar si fituesi i asnjë shteti, e lëre më ndonjë nga shtetet mjaft të kontestuara që drejtohen për rinumërime të detyrueshme, ose shtetet ku ekipi jonë ka sfida ligjore të vlefshme dhe të ligjshme që mund të përcaktojnë fituesin përfundimtar. Për shembull, në Pensilvani, vëzhguesve tanë ligjorë nuk u lejohej hyrja për të parë procesin e numërimit. Votat ligjore vendosin se kush është president, jo lajmet e mediave.
Pra, çfarë po fsheh Biden? Unë nuk do të pushoj derisa populli amerikan të ketë numrin e ndershëm të votave që meriton dhe që Demokracia kërkon.”
Deklarata u lëshua ndërsa Trump ishte duke luajtur golf në klubin e tij në Virxhinia.
