Teksa vijon ende procesi i numërimit të votave në Shba e në avantazh është demokrati Joe Biden, kanë nisur edhe trazirat.
Qindra republikanë u mblodhën ditën e sotme pranë ndërtesës së numërimit të votave në Detroit, të veshur me bluza të verdha ku shkruhej “numëro çdo votë”.
“Ndaloni vjedhjen”, brohorisnin protestuesit, ndërsa disa mbanin në duar postera që lexonin, “Bëni zgjedhjet përsëri të drejta” dhe “Ne e duam Trumpin”.
Policia rrethoi rrugët që të çonin në qendrën e vlerësimeve dhe mbajti protestuesit nën vëzhgim. Nga ana tjetër zyrtarët e zgjedhjeve në disa shtete të kontestuara shprehën shqetësim në lidhje me kërcënimet dhe retorikën e drejtuar ndaj punonjësve që numërojnë votat.
e.h/DRONI.al/
