Naftëtarët e Ballshit, siç kishin paralajmëruar, kanë nisur sot përshkallëzimin e protestës, 15 ditë pasi një përfaqësi e tyre janë ngujuar në grevë urie.
Ata kanë bllokuar aksin kryesor të rrugës përballë Bashkisë së Ballshit në shenjë proteste për mos reagimin e autoriteteve përkatëse.
Sokol Dautaj, kreu i Sindikatës u kërkoi naftëtarëve dhe qytetarëve që të nesërmen të vijnë të përgatitur sepse do të futen me force në Rafineri.
“Ne e kemi marrë vendimin, nuk shkëputemi nga protesta, do vazhdojmë deri në vdekje. Nesër do futemi në Uzinë, fundja fundit do e shesim uzinën, uzina e jona është”,- tha për Euronews Albania një prej protestuesve.
Nëntë naftëtarë janë duke qëndruar ende të ngujuar ndërkohë që Sokol Dautaj ka dalë nga ambientet e grevës për t’ju bashkuar protestës.
https://www.facebook.com/PD.Mallakaster/videos/277046576746955/?v=277046576746955&external_log_id=b49930302cf18de2b00797e3e504ccc0&q=naftetare
/DRONI.al/
