Një grua ka humbur jetën për fat të keq si pasojë e një aksidenti që ndodhi sot në mesditë në Golem. Tre mjete u përplasën në aksin rrugor tek Rrethi i Golemit në drejtim të Malit të Robit.
Si pasojë e përplasjes është dëmtuar drejtuesja e mjetit me inicialet M.D. dhe pasagjerja në mjetin e saj, të cilat u dërguan në spital por njëra prej tyre nuk ka mundur të mbijetojë dhe ka humbur jetën gjatë rrugës për shkak të plagëve të marra.
Grupi hetimor dhe shërbimet e Policisë kanë shkuar në vendngjarje dhe vijon puna për zbardhjen e plotë të rrethanave të ngjarjes.
Tiranë/Informacion paraprak
Më datë 31.08.2020, rreth orës 12:00, në aksin rrugor tek Rrethi i Golemit në drejtim të Malit të Robit, janë përfshirë në aksident 3 mjete me drejtues shtetasit R.R., J.L., dhe M.D. Si pasojë e përplasjes është dëmtuar drejtuesja e mjetit M.D., dhe pasagjerja në mjetin e saj, të cilat u dërguan menjeherë në spital, dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë të rrethanave të ngjarjes.
/DRONI.al/
